Bu gün UEFA Avropa Liqasında 3-cü təsnifat mərəhləsinin oyunları keçiriləcək
Simsar.az xəbər verir ki, yarışdakı yeganə təmsilçimiz “Neftçi” doğma meydanda “Çixura”nı qəbul edəcək. “Koper” səddini aşaraq gürcü klubuna rəqib olan “ağ-qaralar” pley-off mərhələsinə adlamaq niyyətindədirlər. Bunun üçün paytaxt klubu sərfəli nəticə ilə səfərə yollanmaq istəyir.
Böyükağa Hacıyevin yetirmələri qalib gələcəyi təqdirdə 7 oyunluq sindromu qırmış olacaqlar. Belə ki, Avrokuboklarda sonuncu dəfə “Zestafoni” ilə oyunda qalib gələn “Flaqman” doğma meydanda bundan sonrakı görüşlərdə qələbə üzünə həsrət qalıb.
20:00. “Neftçi” (Azərbaycan) – “Çixura” (Gürcüstan)
Baş hakim: Kristian Balay
Bakı, 8-ci km stadionu.
Vüsal Məmmədzadə