“Zalsburq”lu futbolçu “Qarabağ”la oyundan sonra jurnalistlərin suallarını cavablandırıb
Simsar.az xəbər verir ki, gözlənilməz məğlubiyyət aldıqlarını bildirən Romalyo buna əsas səbəb kimi ələ düşən fürsətlərin boşa verilməsini göstərib: “Bizim qol vurmaq üçün kifayət qədər imkanımız oldu. Sadəcə, bəxt amili və son məqamda qeyri-dəqiqlik fərqlənməyə imkan vermədi. Artıq oyun bitib. Nəticəni dəyişmək mümkün deyil. Bunu növbəti oyunda etməyə çalışacağıq. İnanıram ki, mərhələni biz keçəcəyik”.
Avstriyalı jurnalistin: “Stadiondakı atmosfer sizin oyununuza təsir etdimi?” sualına isə futbolçu belə cavab verib: “Atmosferə fikir vermirdik. Nəzərə almaq lazımdır ki, “Ayaks”la oyunda bundan da çox azarkeş önündə mübarizə aparmışıq və qələbə qazanmışıq. Atmosfer bizim oyunumuza təsir edə bilməz”.
Vüsal Məmmədzadə