Slovakiyanın Snina şəhərində yeniyetmə güləşçilərin Dünya çempionatı başa çatıb
Simsar.az xəbər verir ki, çempionatın son günündə 46, 54, 63, 76 və 100 kq çəki dərəcələrində yeniyetmə sərbəst güləşçilər mübarizəyə qoşulub. Güləşçilərimiz günü 1 qızıl medalla başa vurub.
Sərbəst güləş yarışlarının ilk günündə güləşçilərimiz 1 qızıl və 2 gümüş medal qazanıb. Komanda hesabında yığmamız Dünya çempionatını 5-ci sırada tamamlayıb.
63 kq çəki dərəcəsində mübarizə aparan Teymur Məmmədov finala qədər maneəsiz irəliləyib. Ardıcıl olaraq Belarus, Qazaxstan, Yaponiya və Hindistan güləşçilərini mübarizədən kənarlaşdıran Teymur finala yüksəlib. Finalda güləşçimizin rəqibi Rusiya idmançısı olub. Rəqibinə şans verməyən Teymur Məmmədov qələbə qazanmaqla dünya çempionu adına layiq görülüb.
46 kq
1/8 final - Şahin Əlifzadə - Cabbar Düyüm (TUR) 3:3*
54 kq
1/16 final - Mahal Novruzov - Ravi Kumar (İND) 5:0 (təmiz qələbə)
1/8 final - Mahal Novruzov - Joji Nagata (JPN) 11:9
1/4 final - Mahal Novruzov - Naim Mikyay (BUL) 9:15
63 kq
1/16 final - Teymur Məmmədov - Dmitri Naunika (BLR) 10:0
1/8 final - Dair Ussen (KAZ) - Teymur Məmmədov 0:10
1/4 final - Teymur Məmmədov - Taro Umobayaşi (JPN) 6:4
1/2 final - Jasbir Jasbir (İND) - Teymur Məmmədov 0:6
FİNAL - Elbrus Vəliyev (RUS) - Teymur Məmmədov 2:7
76 kq
1/16 final - Hacımurad Məhəmmədsəidov - Soslanbek Lavoev (RUS) 3:9
100 kq
1/8 final - İqbal Hacızadə - Dmitri Ceacusta (MDA) 5:5*