Malayziyanın TSG komandasının tərkibində çıxış edən Hollandiya veloyürüşçüsü Martin de Yonq iki dəfə bu aviaşirkətin laynerlərində ölməkdən canını qurtarıb.
İtaliyada çıxan “Marca” idman qəzetinin yazdığına görə, veloyürüşçü ötən ilin martında yoxa çıxan MH370 reysi ilə Malayziyadan uçmalı idi. Bundan əlavə, o, MH12 reysi ilə Amsterdamdan Malayziyaya qayıtmaq istəyirmiş, lakin son anda başqa reysə daha ucuz bilet tapa bilib.
Simsar.az “AzərTAc”a istinadən xəbər verir ki, de Yonq velosiped mövsümünün yenicə başlandığı yaz aylarında Asiyada, o cümlədən Tayvan, Filippin və Tailandda bir neçə yürüşdə iştirak edib. Sonra milli çempionatda iştirak etmək üçün Hollandiyaya qayıdıb, lakin ən güclü ilk 30 idmançının sırasına düşməyib. Veloyürüşçü MH17 reysi ilə geri dönməyi düşünürmüş. Məlum olduğu kimi, içərisində 298 sərnişin olan həmin təyyarə Ukraynanın Donetsk vilayətində yerə çırpılıb, təyyarədəkilərin hamısı həlak olub.
Hollandiyalı MH370 reysi ilə də uçmayıb, halbuki əvvəlcə yarışlarda iştirak etmək üçün Tayvana bu təyyarə ilə uçmağı planlaşdırırmış. Qeyd edək ki, Kuala-Lumpurdan Pekinə istiqamət götürən təyyarə yerdəki xidmətlərlə əlaqəsini itirib. Təyyarənin Hind okeanına düşdüyü ehtimal olunur.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
