Çempionlar Liqasının finalından kənarda qalan Xabi Alonso UEFA Super Kuboku oyununda da iştirak edə bilməyəcək
Simsar.az xəbər verir ki, buna səbəb futbolçunun Çempionlar Liqasının finalında Beylin qolundan sonra meydançaya girməsi olub. Belə ki, finalı cəzalı olduğu üçün buraxmaq məcburiyyətində qalan Xabi Alonso qələbədən sonra meydançaya daxil olmuş və zəfəri komanda yoldaşları ilə birlikdə qeyd etmişdi. Bu isə qaydalara ziddir.
Məsələni təhlil edən UEFA futbolçunu 1 oyunluq cəzalandırıb. Bununla da Alonsonun “Sevilya” ilə oynanılacaq UEFA Super Kubok matçını buraxacağı dəqiqləşib.
Vüsal Məmmədzadə