Çində 4 qanadlı, uzun quyruqlu dinozavr növü tapılıb. Simsar.az xarici KİV-ə istinadən məlumat verir ki, çanqyuraptor yanqi adlı dinozavrın mezozoik dövrünün sonlarında Çində yaşadığı güman edilir.
Dinozavrın 4 qanadı ilə yanaşı daha maraqlı tərəfi quyruğundakı 30 sm-lik tüklərdir. Alimlər bu uzun tüklərin onun bir müddət uçduqdan sonra enərək sürətini azaltmasına xidmət etdiyini bildiriblər. Onların fikrincə, sözügedən heyvan uzun tükləri olmasa idi uça bilməyəcək qədər böyük və ağır canlılardır.
Mikroraptorin növünə aid olan dinozavrın iki qanadlı heyvanlar üçün keçid mərhələsi olduğu deyilir.
Qeyd edək ki, yanqinin skeletinin qalıqları Bohai Universiteti və Los Ancelos Təbiət Tarixi Muzeyi tədqiqatçılarından ibarət heyət tərəfindən tapılıb.
Ülviyyə