Bu gün UEFA Avropa Liqasında 2-ci təsnifat mərhələsinə start veriləcək
Simsar.az xəbər verir ki, oyun günündə iki Azərbaycan təmsilçisi də meydana çıxacaq.
“Neftçi” ilk oyununu doğma azarkeşlər önündə keçirəcək. Sloveniyanın “Koper” klubunu qəbul edəcək “ağ-qaralar” sərfəli nəticə əldə etməyə çalışacaqlar.
“İnter” isə bu dəfə İsveçdə meydana çıxacaq. İlkin təsnifat mərhələsində Moldovanın “Tiraspol” klubunu üstələyən “bankirlər” indi də “Elfsborq” səddini aşmaq niyyətindədirlər.
17 iyul
UEFA Avropa Liqası, 2-ci təsnifat mərhələsi
20:00. “Neftçi” – “Koper”
Baş hakim: Denis Şerbakov (Belarus)
Bakı, “Bakcell Arena”.
21:00. “Elfsborq” – “İnter”
Baş hakim: Davide Massa (İtaliya)
Boras, “Boras Arena”.
Qeyd edək ki, cavab görüşləri 1 həftə sonra keçiriləcək.
Vüsal Məmmədzadə