"Bavariya" futbolçusu Mario Qötzenin qardaşını transfer edib.
Simsar.az-ın "Bild"ə istinadən yaydığı xəbərə görə, Münhen təmsilçisi Feliks Qötzeni heyətinə cəlb edib. O, "Bavariya"nın aşağı yaş qrupu - U-17 komandasında oynayacaq. F.Qötze artıq yeni komandası ilə məşqlərə başlayıb.
Qeyd edək ki, F.Qötze müqavilə ilə "Borussiya"ya məxsus idi. Ancaq bu transfer üçün "Bavariya" Dortmund təmsilçisinə təzminat ödəməyib.