3 yaşlı filippinli qız dəfninə az qalmış dirilib.
Virtualaz.org saytı xəbər verir ki, bu hadisə haqda “Philippines Star” qəzeti yerli polisə istinadən yazır.
Xəbərdə bildirilir ki, həkimlər iyulun 12-də qızın öldüyünü konstatasiya ediblər. Həmin vaxta qədər uşaq bir neçə gün ərzində güclü qızdırma-titrətmədən əziyyət çəkib.
Həkimlər qızın öldüyünü bildirəndən sonra ertəsi gün onun cənazəsi qoyulmuş tabutu dəfn mərasimi üçün yerli kilsəyə aparıblar. Bu vaxt kilsədə qonşulardan biri tabutun qapağını qaldırıb və uşağın tərpəndiyini görüb. Yaxınları uşağın nəbzini ölçüblər və onun sağ olduğunu görüblər. Valideynləri uşağı dərhal tabutdan çıxarıb, ona su verib və xəstəxanaya aparıblar.
Xəstəxanada ilkin yardımdan sonra “ölü” evə buraxılıb. Bu müddət ərzində qız hərəkətsiz və halsız vəziyyətdə olub. Hazırda valideynləri onun xəstəliyini müalicə etmək üçün ixtisaslı həkimlər axtarırlar.