“İraq və Şam İslam Dövləti” (İŞİD) qruplaşması Suriyanın şərqində yerləşən Deyr-əz-Zor şəhərini ələ keçirib.
Simsar.az-ın məlumatına görə, beləliklə, silahlı qruplaşma İraq yaxınlığında yerləşən iri neft yataqları üzərində nəzarətini möhkəmlədib.
Suriya fəallarının sözlərinə görə, İŞİD həmin ərazidən digər islamçı qruplaşmaları, o cümlədən “Əl-Qaidə” ilə əlaqəli “Ən-Nusra” cəbhəsini çıxarıb.
Bildirilir ki, İŞİD üzvləri cəbhənin yerli bölməsinin liderini öldürüblər, onun cəsədinin fotosunu internetə yerləşdiriblər.