Braziliya milli komandasının baş məşqçisi Luis Felipe Skolerinin istefaya göndərilməsi xəbəri böyük əks-sada doğurub
Simsar.az “Globe Esporte”yə istinadən xəbər verir ki, Braziliya futbolunun əfsanəsi Klaudio Taffarel bu xəbəri heç də yaxşı qarşılamayıb. Mətbuata açıqlamasında sözügedən xəbərə görə məyus olduğunu bildirən əfsanəvi qapıçı Skolarinin bundan sonra da Braziliya futboluna lazım olduğunu qeyd edib: “Mən başa düşə bilmirəm, Dünya Çempionatının yarımfinalında uduzan komandanın məşqçisi niyə bu cür acınacaqlı şəkildə vəzifəsini tərk edir? Ola bilsin, çempion ola bilmədik. Ola bilsin, 1-7 hesablı ağır məğlubiyyətə uğradıq. Amma nəzərə almaq lazımdır ki, 2002-ci ildə dünya kubokunu qazananda da millinin çalışdırıcı Luis Felipe Skolari idi”.
Qeyd edək ki, Braziliya Futbol Federasiyası Skolarini istefaya göndərmək haqda qərarı yarımfinalda Almaniya məğlubiyyətindən sonra vermişdi.
Vüsal Məmmədzadə