Almaniya dördüncü dəfə dünya çempionu oldu - VİDEO
Bu gecə futbol üzrə Braziliyada təşkil olunan sayca 20-ci dünya çempionatına yekun vurulacaq.
Qol.Az-ın məlumatına görə, həlledici görüşdə Almaniya və Argentina yığmaları üz-üzə gələcək.
Məşhur “Marakana” stadionundakı bu final oyunu Cənubi Amerika - Avropa dueli kimi də qələmə verilir. Almaniya çempion olacağı təqdirdə Cənubi Amerikada dünya kubokunu qazanacaq ilk Avropa komandası kimi tarixə düşəcək.
Qeyd edək ki, bu, Almaniya və Argentinanın mundial tarixindəki üçüncü finalıdır. Bu komandaların ilk finalı 1986-cı ildə olub. Meksikadakı həmin yarışda Argentina 3:2 hesabı ilə qalib gəlib. Növbəti - İtaliyadakı 1990-cı il çempionatının finalında da bu komandalar qarşılaşıb. Bu dəfə isə 1:0 hesabı ilə qalib gələn Almaniya çempion adını qazanıb.