Gəncədəki Məhsəti Gəncəvi Mərkəzində şəhərin qadın rəssamlarının əsərlərindən ibarət “Dünya Azərbaycan qadınlarının gözü ilə” mövzusunda sərgi açılıb.
Simsar.az xəbər verir ki, şəhər ictimaiyyətinin nümayəndələri 23 qadın rəssamın 110-dan artıq qrafika, yağlı və sulu boya, tikmə, eləcə də vitraj üsulla yaratdıqları əsərlərə, həmçinin xalça üzərində maraqlı kompozisiyalarına maraqla baxıblar.
Sərginin açılışı mərasimində Gəncə Şəhər İcra Hakimiyyətinin başçısı Elmar Vəliyev çıxış edərək belə bir tədbirin keçirilməsini şəhərin mədəni həyatında əlamətdar hadisə adlandırıb və sərgidə nümayiş olunan əsərlərin müəlliflərini təbrik edərək onlara bundan sonrakı yaradıcılıqlarında müvəffəqiyyətlər arzulayıb.
Mərasimdə şəhər icra hakimiyyəti başçısının müavini Sevda Qurbanəliyeva, gənc rəssam Şəhla Məmmədova, rəssam Məhbubə Həsənova və başqaları çıxış edərək Gəncənin mədəni həyatında baş verən yeniliklərə, xalqımızın mədəni irsinə göstərdiyi diqqət və qayğıya görə dövlətimizin başçısına minnətdarlıqlarını bildiriblər.
Sonda sərgidə yaradıcılıq nümunələri nümayiş olunan qadın rəssamlara fəxri fərmanlar və qiymətli hədiyyələr təqdim edilib.
Günel
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
