UEFA Avropa Liqasının 2-ci təsnifat mərhələsi çərçivəsində baş tutacaq “İnter” – “Elfsborq” görüşünün başlanma vaxtı dəqiqləşib.
Simsar.az xəbər verir ki, ilk oyun İsveçdə keçiriləcək. “Boras Arena”da baş tutacaq oyun Bakı vaxtı ilə saat 21:00-da start götürəcək. Cavab görüşü bir həftə sonra “Şəfa” stadionunda olacaq. Bu oyun da 21:00-da başlayacaq.
Xatırladaq ki, “İnter” turnirin ilkin təsnifat mərhələsində Moldovanın “Tiraspol” klubunu üstələmişdi.
Vüsal Məmmədzadə