UEFA Avropa Liqasında mübarizəyə 2-ci təsnifat mərhələsindən qoşulacaq “Neftçi”nin rəqibinin adına aydınlıq gəlib. Simsar.az xəbər verir ki, 1-ci təsnifat mərhələsinin yekunlarına əsasən Sloveniyanın “Koper” klubu “ağ-qaralar”a rəqib olub.
İndiyədək klublarımız Sloveniya təmsilçiləri ilə avrokubok yarışlarında 4 dəfə üz-üzə gəliblər. Baş tutan bütün qarşılaşmalarda isə Azərbaycan klubları meydanı məyus tərk edib.
2000/01, UEFA kuboku
“Neftçi” – “HİT-Qoritsa” – 1:0, 1:3
2001/02, UEFA kuboku
“Neftçi” – “HİT-Qoritsa” – 0:0, 0:1
“Olimpiya” – “Şəfa” – 4:0, 3:0
2012/13, Avropa Liqası
“Bakı” – “Mura” – 0:0, 0:2
Qeyd edək ki, ötən gün “İnter” “Tiraspol” üzərində əldə etdiyi qələbə ilə Azərbaycan klublarının Moldova təmsilçiləri önündə uğursuz seriyasına son qoymuşdu.
Vüsal Məmmədzadə