Bu yaxınlarda Münhen “Bayern”indən ayrılan Mario Mandzukiç özünə yeni komanda tapıb.
Simsar.az xəbər verir ki, bu, Madridin “Atletiko” klubudur. Diyeqo Koştanın “Çelsi”yə transferindən sonra boş qalmış hücumçu mövqeyinə futbolçu axtaran ispanlar boşluğu xorvatiyalı forvartla doldurublar. Oyunçunun keçidi 22 milyon avroya başa gəlib. “Atletiko” Mandzukiçlə 4 il müddətinə razılıq əldə edib.
Qeyd edək ki, 28 yaşlı hücumçu buna qədər “Marsonia”, “Zaqreb”, “Dinamo Zaqreb”, “Volfsburq” kimi klublarda çıxış edib. Futbolçu “Bayern” forması ilə çıxdığı 54 oyunda 33 dəfə fərqlənməyə imkan tapıb.
Vüsal Məmmədzadə