ABŞ-da hava şəraiti ilə əlaqədar uçuşa gecikən təyyarənin pilotu darıxan sərnişinlər üçün jest edib. Belə ki, o əsəbi olan 160 sərnişini sakitləşdirmək məqsədilə 38 ədəd pizza sifariş edib. Simsar.az xəbər verir ki, 1 saat gecikən təyyarənin sərnişinləri pilotu bu hərəkətinə görə qəhrəman adlandırıblar. Çünki pilot 38 ədəd pizzanın xərcini öz cibindən ödəyib.
Xatırladaq ki, ABŞ-da Aviareys şirkətləri 3 saatdan çox davam edən gecikmələr zamanı yemək və içki xidmətini tamamilə təmannasız həyata keçirmək məcburiyyətindədirlər. Hətta iki il əvvəl Amerikanın “Eagle” Aviareys şirkətinə məxsus təyyarə sərnişinlərə lazımi məlumat verib pulsuz xidmət göstərmədiyi üçün məhkəməyə verilib. Nəticədə 912 000 dollar kompensasiya ödəyib.
Ülviyyə Cövdətqızı