Bu gün UEFA Avropa Liqasında 1-ci təsnifat mərhələsinin cavab görüşləri keçiriləcək.
Simsar.az xəbər verir ki, oyun günündə iki Azərbaycan klubu da mübarizə aparacaq.
“İnter” səfərdə üstələdiyi “Tiraspol”u bu dəfə doğma azarkeşlər önündə qəbul edəcək. Moldova təmsilçisi növbəti mərhələyə adlamaq üçün minimum 2 cavabsız qolla qalib gəlməlidir.
“Qəbələ” isə ötən həftə öz meydanında uduzduğu “Şiroki Briyeq” klubunun qonağı olacaq. İlk matçdakı nəticə Bosniya və Herseqovina təmsilçisini növbəti mərhələyə xeyli yaxınlaşdırıb.
Avropa Liqası
Birinci təsnifat mərhələsi (cavab oyunları)
10 iyul
21:00. İnter - Tiraspol
Hakim: Marios Panayi (Kipr).
Bakı. "Şəfa" stadionu.
İlk oyun - 3:2
23:30. Şiroki Briyeq - Qəbələ
Hakim: Vladimir Vnuk (Slovakiya).
Şiroki Briyeq. "Peçara" stadionu.
İlk oyun - 2:0
Qeyd edək ki, “İnter” – “Tiraspol” cütünün qalibi növbəti mərhələdə İsveçin “Elfsborq”, “Şiroki Briyeq” – “Qəbələ” oyununun güclüsü isə Çexiyanın “Mlada Boleslav” klubu ilə üz-üzə gələcək.
Vüsal Məmmədzadə