Ağdam təmsilçisinin Avstriya toplanışı davam edir.
Simsar.az xəbər verir ki, Qurban Qurbanovun yetirmələri toplanış çərçivəsində bu gün son yoxlama oyununu keçirəcəklər. Rəqib isə ötən mövsüm tarixində ilk dəfə Almaniya III liqasına yüksələn “Zonnenhof Qrossaşpax” klubu olacaq.
Görüş Bakı vaxtı ilə saat 21:00-da start götürəcək.
Qeyd edək ki, buna qədər 4 yoxlama matçında qüvvəsini sınayan “Qarabağ” 2 qələbə və 2 məğlubiyyət əldə edib.
Vüsal Məmmədzadə