Simsar.az-ın “Mundial” layihəsinin növbəti qonağı aktyor Bəhram Bağırzadə olub
Futbol üzrə Dünya Çempiontının yarımfinal mərhələsi çərçivəsində baş tutacaq Braziliya – Almaniya oyunu haqda fikirlərini bölüşən aktyor azarkeşi olduğu Almaniya millisini favorit hesab edir: “Mən çempionat başlayandan demişdim ki, finalda 2 gözəl xanım görüşəcək. Onlardan biri Almaniyanın baş naziri Angelo Merkel, digər isə Argentina prezidenti Kristina Fernandez olacaq. Yəni, Almaniya – Argentina finalının baş tutacağını düşünürəm”.
Almaniyanın Mundial boyu gözəl oyun sərgilədiyini deyən Bəhram Bağırzadə onun bu proqnozunun azarkeşliyi ilə əlaqədar olmadığını bildirib: “Düzdür, Bundestimə azarkeşlik edirəm. Amma almanlar mənim azarkeş olduğuma görə yox, güclü olduğu üçün qalib gələcəklər”.
Qeyd edək ki, Braziliya – Almaniya matçı Bakı vaxtı ilə gecə saat 01:00-da start götürəcək.
Vüsal Məmmədzadə