Bu gün Çempionlar Liqasında I təsnifat mərhələsinə yekun vurulacaq. Apasport.az saytının məlumatına görə, II təsnifat mərhələsinə vəsiqə qazanan 3 komanda müəyyənləşəcək.
Avropanın ən zəif 6 çempionunun iştirakı ilə keçiriləcək matçlarda “Levadiya” evdə, “Santa Koloma” isə səfərdə ilk matçdakı üstünlüyünü qorumağa çalışacaq. Digər matçda isə “Torshavn” rəqib meydanında əldə etdiyi səfər qolu üstünlüyündən yararlanmağa cəhd edəcək.
Qeyd edək ki, Azərbaycan çempionu “Qarabağ” mübarizəyə II təsnifat mərhələsindən qoşulacaq.
Çempionlar Liqası
I təsnifat mərhələsi, cavab oyunları
8 iyul
19:00. “Banants” (Ermənistan) - “Santa Koloma” (Andorra) –
İlk oyun – 0:1
21:00. “Levadiya” (Estoniya) - “La Fiorita” (San-Marino)
İlk oyun – 1:0
23:00. “Torshavn” (Farer adaları) - “Linkoln” (Cəbəllütariq)
İlk oyun – 1:1