“Qalatasaray” uzun müddətdir axtardığı məşqçiyə bu gün qovuşur.
Simsar.az Türkiyə mətbuatına istinadən xəbər verir ki, “Qalatasaray” klubu italiyalı mütəxəssisin bu gün İstanbula gələcəyi və 2 illik müqaviləyə qol çəkəcəyi ilə bağlı məlumat yayıb. Prandellinin yerli vaxtla 18:12-də İstanbula enəcəyi və təyyarədən düşər-düşməz “Florya Mein Oktay Tesisleri”nə gedəcəyi bildirilib. Çalışdırıcı futbolçular və texniki heyətlə sabah baş tutacaq məşqdə tanış olacaqlar.
Məlumatda Prandellinin Türk Telekom Arenada prezident Ünal Aysalla mətbuata açıq mərasimdə müqaviləyə qol çəkəcəyi qeyd olunub.
Vüsal Məmmədzadə