"Mançester Yunayted"in əfsanəsi Rayan Giqqzə Bolton Universiteti tərəfindən idman sahəsində nailiyyətlərinə görə fəxri elmlər namizədi dərəcəsi verilib.
Simsar.az-ın məlumatına görə, 40 yaşlı idmançıya fəxri mükafat Bolton şəhərinin "Viktoriya Holl"unda keçirilmiş mərasimdə təqdim edilib. Bundan əvvəl 2007-ci ildə isə Giqqz Britaniya imperiyasının zabiti ordeni ilə də təltif olunmuşdu. Keçən il isə ona Solford Universitetinin magistri dərəcəsi verilmişdi.
Hazırda Giqqz "Mançester Yunayted"də məşqçiliklə məşğul olur, çünki baş məşqçi Lui van Qal Hollandiya yığması ilə birgə Braziliyada keçirilən dünya çempionatında iştirak edir.