Azərbaycanın ilk peşəkar kontinental velosiped komandası "Synergy Baku" Polşada Beynəlxalq Velosipedçilər İttifaqının 2.2 kateqoriyalı "Həmrəylik və Olimpiyaçılar" yürüşündə çıxışını davam etdirir. Simsar.az xəbər verir ki, heyətə 6 velosipedçi daxil edilib - bunlar bu günlərdə Azərbaycan çempionu adını qazanan Elçin Əsədov, həmçinin Azərbaycan çempionatının mükafatçıları Tural İsgəndərovla Samir Cəbrayılov, eləcə də Maksim Averin, Daniel Klemme və Aleksandr Surutkoviçdi.
Sayca 25-ci dəfə təşkil edilən yarışın 3-cü mərhələsində iştirakçılar 162 km məsafə qət ediblər. Diqqət çəkən məqam velosipedçilərimizin hamısının finişi mərhələ qalibi ilə eyni vaxtda keçən pelotonun içərisində yer almasıdı. Fotofinişə əsasən, təmsilçilərimizdən ən yüksək göstərici Maksim Averin və Samir Cəbrayılova məxsusdu - onlar müvafiq olaraq 11 və 12-ci olublar.
3 mərhələdən sonra Maksim Averin, Daniel Klemme, Aleksandr Surutkoviç və Samir Cəbrayılov yürüş liderinə 12 saniyə uduzmaqla ümumi sıralanmada 26-cı, 28-ci, 31-ci və 56-cı mövqedə qərarlaşırlar. Bu gün keçiriləcək 4-cü mərhələdə iştirakçılar 193.5 km məsafə qət edəcəklər. Qeyd edək ki, şüari "Davamlı gələcəyə doğru" olan "Synergy Group" ASC Azərbaycanın ilk peşəkar velokomandası "Synergy Baku Cycling Project"in baş sponsorudu.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
