Bu gün UEFA Avropa Liqasının ilkin təsnifat mərhələsində Azərbaycan klubları mübarizəyə başlayır
Simsar.az xəbər verir ki, meydana ilk olaraq “Qəbələ” komandası çıxacaq. Avrokuboklarda debüt edəcək “qırmızı-qaralar” doğma azarkeşlər önündə Bosniya və Herseqovinanın “Şiroki Briyeq” komandası ilə qarşılaşacaq.
Azərbaycanın yarışdakı digər təmsilçisi “İnter” isə ilk oyununu səfərdə keçirəcək. “Bankirlər” Moldovada “Tiraspol”la üz-üzə gələcəklər.
20:00. “Qəbələ” (Azərbaycan) – “Şiroki Briyeq” (Bosniya və Herseqovina)
Baş hakim: Artyom Kuçin (Qazaxıstan)
Qəbələ. Şəhər stadionu
22:00. “Tiraspol” (Moldova) – “İnter” (Azərbaycan)
Baş hakim: Ante Vuçemiloviç (Xorvatiya)
Tiraspol. “Şerif” İdman Kompleksinin kiçik arenası
Qeyd edək ki, cavab görüşləri 1 həftə sonra baş tutacaq.
Vüsal Məmmədzadə