FIFA referiləri Əliyar Ağayev və Anar Salmanov UEFA Çempionlar Liqası və UEFA Avropa Liqası turnirlərinə təyinat alıb.
Simsar.az-ın AFFA-ya istinadla verdiyi məlumata görə, 23 iyul tarixində keçiriləcək Çempionlar Liqası II təsnifat mərhələsində "Aktobe" (Qazaxıstan) - "Dinamo" (Tbilisi, Gürcüstan) matçını baş hakim Əliyar Ağayev idarə edəcək.
Azərbaycanlı referinin köməkçiləri Namiq Hüseynov və Zeynal Zeynalov olacaq. Dördüncü hakim isə Rauf Cabbarov olacaq.
Digər bir hakimimiz Anar Salmanov isə Avropa Liqası II təsnifat mərhələsində "Vaduts" (Lixtenşteyn) / "Collage Europa" (Cəbəllütariq) - Ruch Chorzow (Polşa) matçına hakimlik edəcək.
24 iyulda baş tutacaq oyunda Anar Salmanova Mübariz Haşımov və Vaqif Musayev köməklik edəcək. Dördüncü hakim Rəhim Həsənov olacaq.