Braziliyada keçirilən futbol üzrə Dünya Çempionatının 1/8 final mərhələsi dünən keçirilən 2 oyunla yekunlaşıb. Simsar.az xəbər verir ki, ilk olaraq meydana Argentina və İsveçrə milliləri çıxıb. Oyundan əvvəl favorit Cənubi Amerika təmsilçisi göstərilsə də oyunun gərgin keçəcəyi gözlənilirdi. Statistikada da İsveçrənin Argentina ilə keçirdiyi 6 qarşılaşmanın heç birində qalib gəlmədiyini görmək mümkündür. Belə ki, 4 dəfə ikiqat dünya çempionları qalib gəlibsə, 2 matçda üstün tərəf müəyyənləşməyib. İsveçrə Argentinaya qol vurmaqda da çətinlik çəkir. Avropalıların 3 qoluna argentinalılar 14 qolla cavab verib.
90 dəqiqədə qapılara qol vurulmasa da oyun artırılna vaxtının bitməsinə az qalmış argentinalılar istəyinə çatıblar. Bütün oyun boyu hücum edən Argentina yığması qələbə topunu ancaq əlavə olunmuş vaxtda - 118-ci dəqiqədə vurub.
Argentina - İsveçrə - 1:0
Qol: Di Maria, 118
Hakim: Yunas Eriksson (İsveç)
San-Paulo. “San-Paulo” stadionu
Argentina: Romero, Qaray, Zabaleta, Gago, Di Maria, İquain, Messi, Maskerano, Rojo, Fernandes. Lavezzi
İsveçrə: Benaglio, Lixtşteyner, İnler, Xhaka, Behrami, Rodriqes, Mehmedi, Drmiç, Djiru, Schar, Hakiri
Günün növbəti oyununda isə Belçika və ABŞ milliləri üz-üzə gəliblər Hələ mundial başlamamışdan öncə heyətinə görə gücü yüksək qiymətləndirilən Belçika yığması bu görüşdə favorit göstərilirdi. Bu komandalar indiyə kimi 5 dəfə üz-üzə gəlib. 4 dəfə Belçika, 1 dəfə isə ABŞ qələbəyə sevinib. 8 dəfə “qırmızı iblislər” qol vurub. 5 dəfə isə millimizin baş məşqçisi Berti Foqtsun müşaviri olduğu “yankilər” fərqlənib. Bu dəfə də sevinən tərəf Belçika olub. Avropa təmsilçiləri ikinci hissədə və əlavə olunan vaxtın birinci hissəsində böyük üstünlüyə malik olublar. Belçika bu üstünlüyü 2 qola çevirə bilib. Bundan sonra ayılan ABŞ millisi oyunun son dəqiqələrində rəqibə gərgin anlar yaşadıb. Amma amerikalıların cəmi 1 qol vurmağa gücləri yetib və Belçika çətinliklə də olsa 1/4 finala yüksəlib.
Bu oyunun qalibi 1/4 finalda Argentina ilə üz-üzə gələcək.
DÇ-2014
1/8 final
2 iyul
Belçika - ABŞ - 2:1
Qollar: De Bryune, 93; Lukaku, 105 - Qrin, 107
Hakim: Camel Haymudi (Əlcəzair)
Salvador. “Fonte-Nova” stadionu
Belçika: Kurtua, Alderveireld, Kompanii, Vertonghen, Vitsel, De Bryune, Fellani, Azar, Mertens, Van Byuten, Origi
ABŞ: Hovard, Qonzales, Bredli, Besler, Beasley, Dempsi, Bedoya, Cons, Zusi, Kameron, Conson
Maraqlıdır ki, 1/4 finala ancaq öz qrupunda birinci yeri tutan komandalar çıxıb.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
