Azərbaycanı Çempionlar Liqasında təmsil edəcək “Qarabağ” klubunun Avstriya toplanışı davam edir.
Simsar.az xəbər verir ki, Ağdam təmsilçisi bu gün növbəti yoxlama görüşünə çıxacaq. Qurban Qurbanovun yetirmələrinin bu dəfəki rəqibi Almaniya “Regionalliqa”sı təmsilçisi “Vakker” klubu olacaq. Matç Avstriyanın Kössen qəsəbəsində keçiriləcək və Bakı vaxtı ilə saat 20:00-da start götürəcək.
Qeyd edək ki, “Qarabağ” bundan əvvəlki hər iki yoxlama görüşünü məğlubiyyətlə başa vurub. Ağdam təmsilçisi “Şaxtyor”a (Ukrayna) 0:2, “Krasnodar”a isə (Rusiya) 0:1 hesabı ilə uduzub.
Vüsal Məmmədzadə