Bu gün futbol üzrə Dünya Çempionatında 1/8 final mərhələsinə yekun vurulacaq
Simsar.az xəbər verir ki, günün açılış matçında Argentina və İsveçrə komandaları üz-üzə gələcəklər. Çempionluğa əsas iddialılardan hesab olunan Cənubi Amerika təmsilçisi favorit hesab edilsə də, son dövrlərdə İsveçrə futbolunun yüksəlişi nəticəyə təsir edə bilər.
Günün ikinci matçında da Avropa – Amerika dueli reallaşacaq. “H” qrupunu maksimum nəticə ilə bitirən Belçika millisi ABŞ-ı sınağa çəkəcək. Cavan heyəti ilə öyünən avropalıları fərqli oyunla diqqət çəkən Şimali Amerika təmsilçisi təəccübləndirə bilər.
1/8 final mərhələsi
21:00. Argentina – İsveçrə
“Arena de San-Paulo”, San-Paulo.
01:00. Belçika – ABŞ
“Arena Fonte Nova”, Salvador.
Vüsal Məmmədzadə