Londonda “Böyük Britaniya - Azərbaycan yüksək texnologiyalar” forumu keçiriləcək
Bu gün Londonda “Qlobal İnternet İdarəçilik Forumu”nun Nazirlər toplantısı öz işinə başlayıb. Böyük Britaniya mədəniyyət rabitə və kreativ sənaye nazirinin və “Qlobal İnternet İdarəçilik Forumu”nun baş katibinin dəvəti ilə Azərbaycanın rabitə və yüksək texnologiyalar naziri Əli Abbasovun rəhbərlik etdiyi nümayəndə heyəti bu toplantıda iştirak edir.
Simsar.az-ın məlumatına görə sabah nazir Əli Abbasov Böyük Britaniya hökumət rəsmiləri və bir sıra texnoloji şirkət rəhbərləri ilə ikitərəfli görüşlər keçirəcək, iyun ayının 25-də isə “Böyük Britaniya - Azərbaycan yüksək texnologiyalar” forumu öz işinə başlayacaq.
Qeyd edək ki, forumda 30-dan çox Azərbaycan və Böyük Britaniya şirkətləri iştirak edəcək, qarşılıqlı əlaqələr və gələcək perspektivlər müzakirə olunacaq.
Vüsal Qarayev