Mərhum qrossmeyster Vüqar Həşimovun xatirəsinə həsr olunmuş “Shamkir Chess-2014” turnirində bu gün növbəti turun oyunları keçiriləcək
Simsar.az xəbər verir ki, 3-cü turda Azərbaycan şahmatçıları növbəti oyunlarını keçirəcəklər.
Teymur Rəcəbov ağ fiqurlarla İtaliya təmsilçisi Fabiano Karuananı sınağa çəkəcək. Şəhriyar Məmmədyarov isə qara fiqurlarla ABŞ şahmatçısı Hikaru Nakamura ilə münasibətlərə aydınlıq gətirəcək. Təmsilçimiz məğlub olacağı təqdirdə turnir cədvəlinin zirzəmisində qərarlaşacaq.
Günün digər oyununda məğlubedilməz Maqnus Karlsen Sergey Karyakinlə qüvvəsini sınayacaq.
III tur
Hikaru Nakamura (ABŞ) - Şəhriyar Məmmədyarov (Azərbaycan)
Sergey Karyakin (Ukrayna) - Maqnus Karlsen (Norveç)
Teymur Rəcəbov (Azərbaycan) - Fabiano Karuana (İtaliya)
Turnir cədvəli: Karlsen – 2 xal; Karyakin, Rəcəbov, Karuana – 1 xal; Məmmədyarov, Nakamura – 0,5 xal.
Vüsal Məmmədzadə