Türkiyə Kubokunun finalı Konyada olacaq
Simsar.az xəbər verir ki, Türkiyə Futbol Federasiyasının qərarına əsasən, final matçı Konya Atatürk Stadionunda baş tutacaq. “Qalatasaray”la “Eskişehirspor”un üz-üzə gələcəyi qarşılaşma mayın 7-də keçiriləcək. Yarımfinalda “Bursaspor”u məğlub edən “Cim-Bom” 9 il fasilədən sonra həlledici oyuna çıxacaq. “Antalyaspor” səddini adlayan əyalət təmsilçisi isə 27 illik fasiləyə son qoyacaq.
Qeyd edək ki, iki klub ilk dəfə Türkiyə Kubokunun finalında qarşılaşacaqlar. İndiyədək “Qalatasaray” 14, “Eskişehirspor” isə 1 dəfə sözügedən kubokun sahibi olub.
Vüsal Məmmədzadə