“Bayern Münhen”in gənc ulduzu Avropa nəhənglərinin diqqət mərkəzindədir
Simsar.az xəbər verir ki, Almaniya millisinin və Münhen “Bayern”inin yarımmüdafiəçisi Toni Kros bir neçə klubun transfer siyahısındadır. “Real”, “Barselona” və “Arsenal”ın elçi düşdüyü futbolçunun yayda bu klublardan birinə keçəcəyi istisna edilmir. “Bayern” rəhbərliyi isə Krosu satmaq fikrində olmadıqlarını bildirib.
Komandaların yayda Toni Krosla danışıqlara başlayacağı gözlənilir. İspaniya mətbuatında yayılan başqa bir xəbərə görə isə, Madrid “Real”ı Dünya Çempionatına qədər Krosu heyətində görmək istəyir.
Qeyd edək ki, “Barselona” klubu FİFA-nın kluba qoyduğu transfer qadağasını ləğv edə bilməsə, bu transfer niyyəti xəyal olaraq qalacaq.
Vüsal Məmmədzadə