Voleybol üzrə qadınlar arasında Azərbaycan Super Liqasında həlledici mərhələ sona yaxınlaşır
Simsar.az xəbər verir ki, bu gün 3-cü görüşlər baş tutacaq.
Bundan əvvəlki hər iki matçı qələbə ilə başa vuran “Rabitə” və “İqtisadçı” bu dəfə də meydanı üstün tərk etsələr, növbəti görüşlərə ehtiyac qalmayacaq. Belə ki, 3 qələbəyədək davam edən həlledici mərhələnin hər 2 cütündə tərəflərdən biri mükafatlara çox yaxındır.
Kürsünün ən yüksək pilləsi uğrunda yarışan “Rabitə” növbəti dəfə “Azəryol”u üstələmək əzmindədir. Bürünc uğrunda mübarizədə isə “İqtisadçı” “Azərreyl”ə 3-cü dəfə qalib gəlməklə məsələni həll etmək niyyətindədir.
III yer uğrunda
16:00. “İqtisadçı” – “Azərreyl”
İlk oyun: “İqtisadçı” – “Azərreyl” - 3:1 (20:25; 25:15; 26:24; 25:23)
İkinci oyun: “Azərreyl” - “İqtisadçı” - 0:3 (25:27; 20:25; 24:26)
Final
18:00. “Azəryol” – “Rabitə”
İlk oyun: “Azəryol” – “Rabitə” - 1:3 (28:26; 20:25; 21:25; 19:25)
İkinci oyun: “Rabitə” - “Azəryol” - 3:1 (25:16; 20:25, 25:16, 25:19)
Qeyd edək ki, hər iki qarşılaşma Bakı Voleybol Mərkəzində keçiriləcək.
Vüsal Məmmədzadə