Bolqarıstanın paytaxtı Sofiyada boks üzrə gənclər arasında dünya birinciliyi davam edir
Simsar.az xəbər verir ki, yarışların ikinci günündə ilk olaraq 56 kq çəki dərəcəsində mübarizə aparan Tayfur Əliyev rinqə çıxıb. Həmyerlimiz Yaponiya boksçusu Araşi Morisaka ilə qüvvəsini sınayıb. Təmsilçimiz görüşü məğlubiyyətlə başa vuraraq dünya birinciliyi ilə vidalaşıb.
Bu gün Bakı vaxtı ilə 21:15-də daha bir boksçumuz mübarizəyə qoşulacaq. İlk görüşünə çıxacaq Orxan Əliyevin (60 kq) rəqibi serbiyalı Florian Saboya olacaq.
Qeyd edək ki, dünya birinciliyi yeniyetmələrin II Olimpiya oyunlarına lisenziya xarakteri daşıyır.
Simsar.az