“Kataniya” matçında rəqibini minimal hesabla üstələyən “rossoneri” ardıcıl 4-cü qələbəyə sevinib
Simsar.az xəbər verir ki, Klarens Zeedorfun gəlişi ilə köhnə “Milan”ı xatırlatmağa başlayan komandada əhvali-ruhiyyə yüksək səviyyədədir. Çempionlar Liqasında mübarizəni dayandırdıqdan sonra bütün diqqətini A Seriyaya yönəldən “qırmızı-qaralar” ilk 5-liyə düşmək uğrunda yarışırlar. Son turlarda əldə edilən qələbələr isə bu mənada “Milan”ın işinə yarayıb. Komanda 12-ci pillədən 8-ci yerə yüksəlməyi bacarıb.
5-ci pillədəki “İnter”dən 5 xal geri qalan Zeedorfun yetirmələrinin bu cür davam edəcəyi təqdirdə, həmşəhərlilərini üstələyəcəyini gözləmək olar. Nəzərə almaq lazımdır ki, qarşıda bizi hələ “Derbi della Madonnina” gözləyir. Bu, “Milan”ın 5-ciliyi ələ keçirməsi üçün gözəl fürsətdir. Həmçinin, qalan 5 matçdan 2-si autsayderlə oyunlardır. Belə ki, “rossoneri” önümüzdəki tur “Livorno”, mövsümün son oyununda isə “Sassuolo” ilə üz-üzə gələcək. “Atalanta” ilə qarşılaşmanın o qədər də asan olmayacağını düşünsək də, bu matçda da favorit Zeedorfun komandası olacaq. Roma ilə qarşılaşmada və Milan derbisində də uğurlu nəticə mümkün olsa, “Milan”ı növbəti il Avropa Liqasında görə bilərik.
Qeyd edək ki, muzeyi müxtəlif kuboklara sahib “Milan” klubunun hələ ki, Avropa Liqası (UEFA Kuboku) Kuboku yoxdur. Gələn mövsüm bu kuboku qazanmaq üçün gözəl fürsət ola bilər.
Vüsal Məmmədzadə
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
