Madrid “Real”ı UEFA Çempionlar Liqasının yarımfinal mərhələsində “Bayern Münhen”lə qarşılaşacaq
Simsar.az xəbər verir ki, artıq “Kral klubu”nun çalışdırıcısı Karlo Ançelotti püşkün nəticəsiylə bağlı fikirlərini bölüşüb. Həftəsonu La Liqada oynanılacaq “Almeriya” matçı ərəfəsində jurnalistlərin qarşısına çıxan italiyalı mütəxəssis rəqibi tərfiləyib: “Quardiolanın çox gözəl komandası var. Onlar ötən il kuboku qazanmağı bacardılar. Bizi çətin oyunlar gözləyir. “Bayern” favoritdir. Amma biz də zəif deyilik. Bir şey dəqiqdir ki, azarkeşlər möhtəşəm futboldan zövq alacaqlar”.
Qeyd edək ki, “Real Madrid” klubu ¼ finalda digər bir Bundesliqa təmsilçisi “Borussiya Dortmund”u üstələyə bilmişdi.
Vüsal Məmmədzadə