Tibo Kurtua “Çelsi”yə qarşı oynaya biləcək
Simsar.az xəbər verir ki, UEFA “Atletiko”nun qapıçı ilə bağlı rəsmi qərarını təqdim edib. Qərara əsasən, belçikalı qolkiper “Çelsi” ilə matçda komandasına kömək edə biləcək.
Xatırladaq ki, Tibo Kurtua “Çelsi”dən icarə əsasında “Atletiko”ya keçdiyi üçün Çempionlar Liqasında məxsus olduğu komandaya qarşı oynaya bilməzdi. Futbolçunun müqaviləsində qeyd edilən bu məqama münasibət bildirən UEFA “Çelsi”nin 22 yaşlı qolkiperlə bağlı hər hansı bir tələbinin yersiz olduğunu bildirib.
Qeyd edək ki, bu gün atılan püşkə əsasən, UEFA Çempionlar Liqasının ½ finalında Madrid “Atletiko”su ilə “Çelsi” üz-üzə gələcək.
Vüsal Məmmədzadə