Madrid klubu ½ final mərhələsində “Çelsi” ilə qarşılaşarsa, qolkiperin köməyindən yararlana bilməyəcək
Simsar.az xəbər verir ki, “Çelsi”dən icarə əsasında “Atletiko”ya keçən belçikalı qapıçı növbəti mərhələdə komandasından ayrı düşə bilər. Belə ki, futbolçunun müqaviləsində “Atletiko”nun “Çelsi” ilə hansısa bir yarışda üz-üzə gələcəyi təqdirdə Kurtuanın heyətə salınmaması qeyd olunub. Belə bir maddənin mövcudluğunu təstiqləyən prezident Enrike Çerezo yarımfinalda London təmsilçisi ilə qarşılaşmalı olsalar, müqavilə şərtlərinin yenidən müzakirə edilməsinin planlaşdırıldığını bildirib. Razılıq əldə olunmasa, Madrid klubu ingilislərə böyük məbləğdə təzminat ödəmək məcburiyyətindən qalacaq. Əks halda, Kurtuanın adı “Çelsi” ilə qarşılaşmada iştirak ərizəsinə salınmayacaq.
Qeyd edək ki, yarımfinal cütlüklərinin adına 11 aprel tarixində baş tutacaq püşkatmadan sonra aydınlıq gələcək.
Vüsal Məmmədzadə