Sumqayıt şəhərində ağır yol qəzası baş verib
Sumqayıt şəhərində baş verən yol qəzasında avtobus sürücüsü ölüb, 20-dən çox yaralı var. Ölən şəxs avtobusun sürücüsü Ramiz Qurban Oğlu Muradovdur. O, hadisə yerindəcə dünyasını dəyişib. Bunu Simsar.az-a Sumqayıt şəhər Təcili və Təxirəsalınmaz Tibbi Yardım Stansiyasının baş həkimi Arif Yusifov deyib. O, Simsar.az-a açıqlamasında hələki yaralananların araşdırıldığını, dəqiq məlumat almağa çalışdıqlarını bildirib.
Qeyd edək ki, bu gün saat 17 radələrində Sumqayıt Texnologiya parkının yanında 3 saylı xətt üzrə hərəkət edən “Daewoo” markalı sərnişin avtobusu “SHACKMAN” markalı yük avtomobili ilə toqquşub.
***
18:02
Sumqayıt Şəhər Polis İdarəsindən verilən məlumata görə, yol qəzası bu gün saat 17 radələrində Sumqayıt Texnologiya parkının yanında qeydə alınıb.
3 saylı xətt üzrə hərəkət edən “Daewoo” markalı sərnişin avtobusu “SHACKMAN” markalı yük avtomobili ilə toqquşub.
Polisdən qəza nəticəsində ölən və xeyli sayda yaralı olduğu bildirilir.
Simsar.az