Bu gecə UEFA Avropa Liqasında ¼ final mərhələsi start götürəcək
Simsar.az xəbər verir ki, mərhələnin ilk oyunları eyni gündə baş tutacaq.
Gecənin ən maraqlı qarşıdurmalarından biri Fransada yaşanacaq. “Yuventus”u qəbul edəcək “Lion” doğma azarkeşlər önündə sərfəli nəticə qazanmağa çalışacaq. İtaliya çempionluğunu təmin etmiş “Qoca Sinyora” da qələbəyə iddialıdır.
Digər bir maraqlı matçda “Porto” “Sevilya” ilə üz-üzə gələcək. Ölkə çempionatında zirvədən geri düşən klubların oyunu gərgin mübarizə vəd edir.
00:05. “Porto” (Portuqaliya) – “Sevilya” (İspaniya)
00:05. “Alkmaar” (Hollandiya) – “Benfika” (Portuqaliya)
00:05. “Lion” (Fransa) – “Yuventus” (İtaliya)
00:05. “Bazel” (İsveçrə) – “Valensiya” (İspaniya)
Qeyd edək ki, yerli futbolsevərlər “Porto” – “Sevilya” matçına AzTV-dən, “Lion” – “Yuventus” qarşılaşmasına isə İdman Azərbaycandan canlı baxa bilərlər.
Vüsal Məmmədzadə