“Atletiko Madrid” klubunun qapıçısı Tibo Kurtua gələcək taleyi haqda sualları cavablandırıb
Simsar.az xəbər verir ki, sərgilədiyi oyunla diqqətləri üzərinə çəkən belçikalı qolkiper qarşıdakı həftə taleyi ilə bağlı bütün sualların cavab tapacağını bildirib: “Önümüzdəki həftə taleyimlə bağlı bütün sualların cavabı bəlli olacaq. Ya, “Çelsi”yə qayıdacağam, ya da “Atletiko”da qalacağam. Üçüncü bir ehtimal yoxdur”, - deyən Kurtua, “Sevinirəm ki, bir çox klubların diqqət mərkəzindəyəm. Amma fərqli bir klubda oynamaq istəmirəm”, - deyə fikrini tamamlayıb.
Qeyd edək ki, futbolçu 2011-ci ildən icarə əsasında Madrid “Atletiko”sunda çıxış edir.
Vüsal Məmmədzadə