Bu gecə UEFA Çempionlar Liqasında ¼ final mərhələsinin ilk oyunlarına yekun vurulacaq
Simsar.az xəbər verir ki, oyun günündə iki qarşılşma baş tutacaq.
Madrid “Real”ı “Borussiya Dortmund”u qəbul edəcək. Ötən il “Kral klubu”nun finala gedən yolunu bağlayan Yugern Kloppun komandası həmin uğuru təkrarlamaq niyyətindədir. Almanlardan intiqam almaq istəyən ispanlar isə bu dəfə qalib tərəf olmaq üçün vuruşacaqlar.
Gecənin digər oyununda PSJ “Çelsi”ni qəbul edəcək. Heyətində kifayət qədər səviyyəli futbolçu olan Paris təmsilçisi Maurinyonun komandasını məğlub etmək əzmindədir. London klubu isə vətənə sərfəli nəticə ilə dönməyi arzu edir.
23:45 “Real Madrid” – “Borussiya Dortmund”
23:45 PSJ – “Çelsi”
Qeyd edək ki, yerli futbolsevərlər “Real Madrid” – “Borussiya Dortmund” matçına AzTV-dən, PSJ – “Çelsi” qarşılaşmasına isə İdman Azərbaycan-dan canlı baxa bilərlər.
Vüsal Məmmədzadə