Bütün dünyada məşhur olan Kopenhaqen zooparkı dünən 4 keçmiş işçisini təzələri ilə əvəz etmək üçün onları öldürüb. Simsar.az theglobaledition.com-a istinadən xəbər verir ki, işçilər inyeksiya vasitəsiylə öldürülüb. Daha sonra cəsədlər hissələrə bölünərək zürafələrə atılıb. Lakin zürafələr yemdən imtina etdikləri üçün şirlərə verilib.
Zooparkın mətbuat katibi Tobias Stenbak Brunun sözlərinə görə, köhnə işçilər yeni şəraitə uyğunlaşa bilmirdilər. “Biz hesab edirik ki, ölənlərin qohumlarının etirazları əsassızdır. Köhnə işçilər bizim yeni texnologiyalarımıza və şəraitimizə uyğunlaşa bilmirdilər. Biz onları humanist yolla burdan uzaqlaşdırdıq. Axı hazırki iqtisadi şəraitdə onları işsiz qoya bilməzdik”.
İnsanları dəhşətə gətirən bu hadisə əslində aksiyadır. Bir neçə gün öncə heyvanların öldürülməsinə etiraz məqsədilə təşkil edilib. Belə ki, bu yaxınlarda zooparkda zürafələr və şirlər inyeksiya vasitəsilə öldürülmüşdü. Zürafənin öldürülmə səbəbi ölçülərinin zooparkın texnoloji şəraiti ilə üst-üstə düşməməsi, şirlərin isə yeniləri ilə əvəz edilməsi olub.
Mələk Abbaszadə