Azərbaycan milli komandasının baş məşqçisi Berti Foqtsun ABŞ yığmasının müşaviri təyin edilməsinin təfərrüatları məlum olub
Simsar.az qurumun saytına istinadən xəbər verir ki, bu, ABŞ Futbol Federasiyasının AFFA-ya müraciətindən sonra reallaşıb.
Belə ki, amerikalılar AFFA-ya müraciət edərək, bu il Braziliyada keçiriləcək dünya çempionatında Foqtsun ABŞ yığmasının baş məşqçisi Yurgen Klinsmannın xüsusi məsləhətçisi təyin olunmasına razılıq verilməsini xahiş edib.
Dünya çempionatının təşkil olunacağı müddətdə Azərbaycan milli komandasının oyunlarının və təlim-məşq toplanışlarının keçirilməyəcəyini nəzərə alaraq AFFA müraciəti müsbət cavablandırıb.
Qeyd edək ki, ABŞ milli komandası Braziliyada keçiriləcək dünya çempionatında Almaniya, Portuqaliya və Qana yığmaları ilə birgə G qrupunda mübarizə aparacaq.
Vüsal Məmmədzadə