Həftəsonu Avropanın yaşıl meydanlarında futbol həyəcanı davam edib
Simsar.az xəbər verir ki, ən maraqlı qarşılaşmalardan biri İtaliya A Seriyasında baş tutub. Artıq çempionluğu təmin edən “Yuventus” “Napoli”nin qonağı olub. 2-ci pillədəki “Roma”ya çatmaq istəyən Neapol təmsilçisi mübarizədən qalib ayrılıb.
Bu tur həmçinin, “Milan”ın növbəti qələbəsi ilə yadda qalıb. “Rossoneri” bu dəfə “Kiyevo”ya aman verməyib.
“Milan” 3-0 “Kiyevo”
“Sassuolo” 0-2 “Roma”
“Verona” 3-0 “Cenoa”
“Latsio” 3-2 “Parma”
“Sampdoriya” 0-0 “Fiorentina”
“Torino” 2-1 “Kalyari”
“Napoli” 2-0 “Yuventus”
İngiltərə Premyer Liqasında dünən iki oyun baş tutub. Liderliyi əldən verməyə niyyətli olmayan “Liverpul” “Tottenhem”i darmadağın edib.
“Fulhem” 1-3 “Everton”
“Liverpul” 4-0 “Tottenhem”
İspaniya La Liqasında Madrid “Real”ı ardıcıl iki məğlubiyyətdən sonra, nəhayət, qələbə qazanıb.
“Real Madrid” 5-0 “Rayo Valekano”
“Valyadolid” 1-0 “Almeriya”
“Osasuna” 1-1 “Real Sosiyedad”
“Vilyarreal” 1-1 “Elçe”
“Bayern Menhen”in çempionluğunu rəsmləşdirdiyi Almaniya Bundesliqasında əsas mübarizə Çempionlar Liqasına düşmək uğrundadır. Dünən isə 4-cü yer uğrunda mübarizə aparan 4 komandadan biri meydana çıxıb. Münhenqladbax “Borussiya”sı “Hamburq”u əliboş yola salıb.
“Borussiya Menhenqladbax” 3-1 “Hamburq”
“Hannover” 1-2 “Verder”
Vüsal Məmmədzadə