“Püşkatma bizim üçün uğurlu olmadı. Bütün rəqiblərimiz güclüdür”
Simsar.az xəbər verir ki, UEFA-nın rəsmi saytına açıqlama verən Azərbaycan millisinin baş məşqçisi Berti Foqts püşkatmanın nəticələri haqqında danışıb. İtaliya və Xorvatiya kimi millələrlə oynayacaqları üçün xoşbəxt olduğunu deyən almaniyalı mütəxəssis, “Həmin komandalarla matçlar Azərbaycan üçün bayram olacaq”, - deyib.
“Qrupda işimiz asan olmayacaq. Rəqiblərimizin hamısı güclüdür. Ancaq biz də zəif deyilik. Getdikcə oyunumuz daha da yaxşılaşır. Ötən tsikldə cəmi 3 dəfə məğlub olmuşuq. Düşünürəm, Avro-2016 uğrunda yarışacaq komandalara da ciddi müqavimət göstərə bilərik”, - deyən Berti Foqts, “Razıyam, sürətli futbol oynamırıq. Ancaq çalışmalıyıq, digər komponentlərdə rəqiblərimizi üstələməyi bacaraq və onlar üçün başqa sürprizlər edək”, - bildirib.
Azərbaycanın şanslarını dəyərləndirən çalışdırıcı sonda bunları deyib: “Üçüncülük xəyal olardı. Ancaq futbol praqnozları sevmir. Bütün gücümüzlə oynasaq, daha az səhv etsək, istəyimizə çata bilərik”.
Qeyd edək ki, Azərbaycan millisi Avro-2016-nın seçmə mərhələsi çərçivəsində İtaliya, Xorvatiya, Norveç, Bolqarıstan və Malta ilə mübarizə aparacaq.
Vüsal Məmmədzadə
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
