Yeni Zelandiyalı həkim Ceyms Qrant balıq tutan zaman köpək balığının hücumuna məruz qalıb. Lakin qurban fantastik filmlərdəki aktyorlar kimi buna heç önəm verməyib. Simsar.az xarici mətbuata istinadən xəbər verir ki, hücumdan sonra o ayağındakı yaraları tikib və dostları ilə bara gedib. Hücuma məruz qalan 24 yaşlı həkim bildirib ki, köpək balığı ayağından tutan zaman bunu dostunun zarafatı hesab edib. Lakin sonra vəziyyətin ciddiliyini anlayaraq xilas olmağa çalışıb.
Bıçaq vasitəsiylə nəhəng balığın hücumundan azad olan Qrant suya çıxıb və ilkin tibbi yardım çantasında olan əşyalardan istifadə edib. O, öz yaralarını tikdikdən sonra dostları ilə birgə bara gedib və pivə içib.
Daha sonra dostları onu xəstəxanaya aparsalar da həkimlər onun sağlamlığı üçün heç bir problemin olmadığını bildiriblər.
Mələk Abbaszadə