25 yaşlı cənubi Afrika sakini Mandla Manseko kosmosa səyahət qazanıb. Simsar.az vesti.ru-ya istinadən xəbər verir ki, Amerikaın “Aks Apollo” adlı kosmik akademiyası tərəfindən təşkil olunan müsabiqədə 1 milyondan çox insan iştirak edib. İştirakçılar onlarla testdən və fiziki məşqlərdən keçiblər. Mandla Manseko adlı qalib Afrika kəndlərindən birində anadan olub. O, mühəndislik oxuyurmuş lakin maliyyə çətinlikləri olduğundan kolleci yarımçıq qoyub. Son zamanlar gənc Pretoriyanın gecə klublarından birində “DJ2 olaraq fəaliyyət göstərirmiş. İndi isə onun uşaqlıq xəyalı həyata keçir. O, kosmosa uçan ilk qara dərili olacaq. Uçuş 2015-ci ilə nəzərdə tutulub. Qalib deyib: “Mən bu müsabiqədə kəndimin cavanlarını ürəkləndirmək üçün iştirak etmişdim. Ümid edirəm ki, mən Afrikanın gənclərinə özünə inanmaqda və xəyalların gerçəkləşdirməkdə kömək edəcəm”.