Simsar.az Reuters-ə istinadən xəbər verir ki, Cənubi Afrikada tapılan almazın qiyməti 15-20 milyon dollar təşkil edir. Ekspertlər hesab edirlər ki, mavi almaz hərracda bu qiymətə satılacaq. Almaz Petra Diamonds şaxtasında, Pretoriya yaxınlığında aşkarlanıb. Mavi almazın çəkisi 29.6 karatdır. Bundan əvvəl elə həmin şaxtada aşkarlanan almazın çəkisi 25.5 karat təşkil edirdi və həmin almaz 16.9 milyon dollara satılmışdı. Adətən almazlar zərgərlərin işləmələrindən əvvəl sarı yaxud qəhvəyi rəngdə olurlar. Göy, yaşıl, çəhrayı yaxud qırmızı rəngdə almazların aşkarlanması böyük uğur hesab edilir.
Mələk Abbaszadə